--Ads--
VIGAN CITY – Libre pay laeng iti sumrek idiay Quirino Stadium ta insanud ni Governor Ryan Singson ti pannakaipatungpal iti ordinansa para iti panagsingir ti entrance fee para ti maintenance na.
Segun ken ni Provincial Sports Chief Marius Cabudol, ti ordinansa ket inpila ni Sangguniang Panlalawigan Member Mika Mendoza a naaprubaran idi pay laeng Hulyo iti napalabas a tawen a ti masingir ket depende kadagiti tallo a kategorya, kas ti corporate, private ken individual.
Ti bayad ti individual category nu ti track and field ket tallo pulo a pisos; ti swimming pool ket siyam a pulo agingga sangagasut lima pulo a pisos idinto a ti basketball, volleyball ken tennis ket sangagasut a pisos, sabali pay ti bayad no agusar ti silaw.
