Indauluan ni Pinoy pole vaulter EJ Obiena dagiti atleta a makipaset iti World Athletics Indoor Championships a mapasamak idiay Poland.
Segun ken ni Obiena, sagsaganaanna iti nasao a torneo kalpasan a saan a karaman idi napalabas a tawen ta napaay a ma-qualify.
Patienna a kabaelanna a mapagballigian ita a tawen ta sinaganaanna iti nasao a torneo.
Kagapgapu ni Obiena iti ISTAF Indoor idiay Berlin a nangabakanna iti gold medal.
Kagiddan dayta ket impakaammo ti Philippine Athletics Track and Field Association a makadua ni Obiena ti World Number 12 pole vaulter a ni John Cabang Tolentino a makipaset iti 60 meters hurdles idinto a ni Jessica Laurance ken Zion Corrales Nelson ket makipaset iti 6-meter dash.
Mangrugi iti World Athletics Indoor Championship inton March 20.
