Nagballaag ti Environmental group nga EcoWaste Coalition iti publiko iti panaggatang iti unofficial Labubu items nga adda lead na a dakes iti tao.
Segun iti EcoWaste, napaliiwda a dagiti Labubu-inspired items nga uso ita ket mailaklako dagiti imitation na kas ti stuffed toys, key chain, ken phone accessories.
Dagiti Labubu-inspired products kas kadagiti ay-ayam, ket mailaklako nga awan ti kasapulan nga authorization ken labeling information.
Kadagiti uppat a pulo ket dua a ginatang ti grupo, natakuatanda a lima ti naglaon iti lead kalpasan ti pannakaidalanda iti X-ray flourescense screening.
Adda pay naobserbaran ti EcoWaste a polyvinyl chloride (PVC) plastic kadagiti duapulo ket uppat manipud iti uppat a pulo ket dua nga item.
Nagpanawagan ti grupo kadagiti nagannak a saanda nga ipaay-ayam kadagiti ubbing ti PVC dagiti produkto a plastic ken agpili dagiti adda label ken authorized nga ay-ayam para kadakuada.
