Pormalen a nagturong iti Korte Suprema ti Duterte Youth kalpasan a saanda a karaman kadagiti naiproklamar a party-list group iti baet a maikadua kadagiti party-list a nakaala iti adu a botos idi eleksyon.
Indauluan ni Duterte Youth Chairman Ronald Cardema ti panagipila ti petition for certoriari with urgent prayer for Temporary Restraining Order and/or Writ Preliminary Mandatory Injunction.
Naipila dayta kontra ti Commision on Elections a nagserbi a National Board of Canvassers idi 2025 midterm elections.
Segun ken ni Cardema, nabayagen a naibasura ti reklamo ti Kabataan Party-list kontra kadakuada a napilia idi 2019.
Immunan a kinuna ni Comelec Chairman George Garcia a saanda pay laeng nga inproklamar ti Duterte Youth ken Bagong Henerasyon Party-list gapu kadagiti nakapenpen a kaso iti opisinada.
