VIGAN CITY- Ballaigi ti naisayangkat nga umuna nga aldaw ti dugong bombo iti pannakikinnammayet ti Bombo Radyo Vigan iti Univeristy of Northern Phlippines ken Ilocos Sur Provincial Hospital Gabriela Silang idiay UNP hospital idi kalman
Manipud iti tallo gasut tallo pulo ket lima a nagrehistro iti blood letting activity ket nasurok dwa gasut lima pulo ket maysa ti successful blood donors pakairamanan ti innem a replacement.
Kaadduan kadagiti nagdonar ket dagiti estudyante a ti kaadduan ket nagapu iti College Of Technology , College of Criminal Justice Education and Social Work ken College of Health and Sciences, sabali pay dagiti empleyado ti UNP ken dagiti walk in donors.
Dagiti nakadonar ti dara ket naikkan ti donor’s card a mausar danto a pangsakada no isudan to ti makasapul ti dara wenno ti siasinoman a pilien da a recipient ken adda pay ti dugong bombo t-shirt da
Para kadagiti maysa kadagiti successful donor a miembro ti Genuine Ilocano ken estudyante ti UNP a ni Darryl Gaspar ket makapapigsa iti bagi ti panagdonar na ti dara ken namnamaen na nga ado ti matulungan na.
