--Ads--
Inpa-deport ti Bureau of Immigration ti duapulo ket pito a Chinese nationals nga illegal nga agtartrabaho kas online gaming workers ditoy pagilian.
Umabot kuma ti tallopulo ket tallo a ganggannaet ti ipa-deport ti Bureau of Immigration, ngem innem ti saan a nakaruar gapu ta saanda a nakaala iti clearance manipud iti National Bureau of Investigation.
Nakemmeg dagiti Chinese a naipa-deport iti nagsisina nga operasyon nga insayangkat ti Presidential Anti-Organized Crime Commission idiay Las Piñas, Pasay ken Tarlac.
