VIGAN CITY- Maisayangkat ti computerized composite facial illustration ti napan nagin-gatatang ti alahas idiay Bagani Campo, Candon City idi naminsan nga aldaw nga isu iti maatap a nangserrek iti dua a pagtaengan da Brgy. Kagawad Romeo Garcia Ramos nga agtawen iti innem a pulo ket uppat idi alas singko ti bigat idi kalman, March 16.
Segun ken ni Police Superintendent Jugith Del Prado, hepe ti Candon City police station, posible a mamaysa a sindikato ti utek iti napasamak a panagtakawan idiay Bagani Campo ken idiay Resurreccion, San Juan idi naminsan nga aldaw.
Kinunana, nadlaw laengen ni Ramos a natakawan da idi natnag iti magazine ti paltog na a nakaikabil iti lamisaan iti kwarto na ken nakalukat iti arwangan iti kwarto na ket nakita nan a nagkaiwara dagiti alikamen da iti salas iti pagtaengan.
Intaray dagiti suspek iti maysa nga armscor caliber 45 pistol nga adda magazine na, kwarta nga aggatad iti dua gasut a ribo a pisos, naduma-duma nga alahas, maysa a laptop, uppat a cellphone, TV ken naduma-duma nga ATM card iti pagtaengan ti barangay kagawad idinto a ti pagtaengan ti putot na a kaabay da ket napukawan da met iti lima ribo lima gasut a pisos.
