VIGAN CITY – Nakemmeg ti Top 1 Municipal level a wanted person a ni Cristino Gamata, agtawen ti limapulo ket innem, naasawaan, mannalon nga agnaed idiay Brgy. Lintoc, Banayoyo iti naisayangkat nga Oplan Pagtugis.
Babaen iti panagtitinnulong iti CIDG Ilocos Sur, Banayoyo Municipal Police Station, 1st ISPMC ken Maritime Ilocos Sur ket nakemmeg ni Gamata gapu iti panaglabsingna iti RA 9262 babaen iti bileg iti warrant of arrest a napetsaan idi February 16.
Kabayatanna, nakemmeg pay ti maysa a wanted person a ni Alejandro Alcantara Gagarin alyas Andring, agtawen ti limapulo ket pito, baro, mannalon nga agnaed idiay Brgy. Poblacion Sur, Salcedo.
Ti pannakakemmeg ni Gagarin ket gapu iti kaso nga Acts of Lasciviousness inaig iti RS 7610 nga uppat a bilang ken panaglabsing iti RA 7610 a 2 counts babaen iti bileg iti warrant of arrest a napetsaan idi December 8, 2015 ken April 26, 2016.
