VIGAN CITY – Human error ti makitkita a rason dagiti pannakabagi ti linteg iti napasamak nga aksidente idiay Brgy. Gongogong, San Ildefonso.
Nabigbig dagiti dua a pimmusay a da Floresto Tulali agtawen ti lima pulo agnaed ti Brgy. Magnuang, Batac, Ilocos Norte, nagmaneho ti Honda Civic a nangisit, Federico Pascua agnaed ti Brgy. Salincub, Santiago ken matamtaming ti ospital ti maysa pay a kadduada a ni Khimberlyn Estabillo agtawen ti dua pulo ket innem agnaed ti Tabug, Batac City, Ilocos Norte.
Iti pannaki-uman ti Bombo Radyo Vigan kenni PLt. Alberto Ramos Jr, hepe ti San Ildefonso PNP, agturong ti probinsya ti pangasinan dagiti dua a taga Batac idi timmawag kadakuada ti kadduada a sumurot ket dinagasda ti talyer a pagububraanna.
Daldalyasatenen dagiti tallo ti agpaammianan a direksyon ket ipagidd ti driver ti lugan ta imisbo ni Pascua ket imbes nga agpreno ti silinyador ti nabaddekanna iso a naidungparda ti puon ti acacia.
Nagsagaba dagiti dua ti dunor iti nadumaduma a paset iti bagida a naipan ti ospital ngem naideklara a dead on arrival dagiti dua a lalalki ken matamtaming ni Estabillo.
Innayon ni Ramos nga agpapada a nabartek dagiti tallo kabayatan iti panagluganda ti kotse.
