VIGAN CITY – Kinumpirmar ni PCapt. Roel Ragasa ti Magsingal Police Station a nabartek dagiti naglubbon iti motorsiklo a Mio I 125 a naaksidente iti paset ti Brgy Panay Norte iti nasao nga ili.
Iti pannakiuman ti Bombo Radyo Vigan kenni Ragasa, dagiti biktima nga isuda Andrei Basilio, agtawen ti duapulo ket dua ken ti back ride na a ni Mark Devis Pamo, agtawen ti duapulo ket dua ket naggapo iti ili ti Sto. Domingo sakbay a napasamak ti insidente.
Innayonna a napaspas ti pataray dagiti biktima ken awan iti suotda a helmet idi naaksidente a rason iti nakaro a kasaaad ita ni Basilio.
Palagip ni Ragasa kadagiti agmotmotor nga agisuot ti safetygears, liklikan nga uminom nu nakamotor ken itugot ti lisensya nu agbiahe tapno saan a maulit pay ti napasamak nga insidente
