--Ads--
Dua a drayber ti nadunor gapu iti panagdinnungpar dagiti motorsiklo a minanehoda idiay Barangay Arnap, San Ildefonso, Ilocos Sur.
Nabigbig ti nagmaneho iti Yamaha NMAX motorcycle a ni Romy Jay Medrano Arizanal, agtawen iti duapulo ket tallo, taga-Barangay Nambaran, Sto. Domingo.
Ti met Suzuki Raider 150 motorcycle ket minaneho ti maysa a menor de edad nga agtawen iti sangapulo ket innem, taga-Barangay Taleb, Bantay.
Agpapalaud ti YAMAHA NMAX ket idi nadanonna ti nakapasamakan ti insidente, immagaw ti linya ti Suzuki Raider 150 a napaspas ti patarayna isu a nagdinnungparda.
-- ADVERTISEMENT --
Gapu dayta, nagsagaba iti dunor ti nadumaduma a paset ti bagi dagiti drayber a naipaagas iti ospital para iti naan-anay a pannakatamingda.
