Pagan-annaden ti Department of Trade and Industry (DTI) ti publiko nangruna dagiti online shopper kontra kadagiti scammer nga aktibo bayat ti “ber months” ta masansan nga agraira ti online transaction bayat nga umadani ti paskua a gundaway para kadagiti scammer.
Impaganetget ti DTI a napateg nga alerto dagiti online shopper tapno saanda a mabiktima kadagiti scam.
Karaman kadagiti red flag wenno mangipasimudaag a ti maysa a banag a mailaklako iti online ket posible nga scam no awan ti nalawag a presio ken detalyado a deskripsion ti produkto, no nalaka unay ti presio ti maysa a produkto.
Dagiti pay dadduma ket no awan ti DTI wenno Bureau of Internal Revenue (BIR) wenno Securities and Exchange Commission (SEC) registration-na wenno ania man nga impormasion mainaig iti opisial a panagilako, gapu ta nasken a mairehistro ti lehitimo a negosio kadagiti maseknan nga ahensia ti gobierno.
