--Ads--
Patien ti Department of Social Welfare and Development (DSWD) a napateg ti akem ti pamilia ken komunidad iti pananglapped ti panagado iti kaso ti kinaranggas ken krimen a pakairamramanan dagiti agtutubo.
Segun ken ni DSWD Assistant Secretary Irene Dumlao, adu iti factor a makaapektar iti ugali ti maysa nga ubing.
Kinuna a patienda a rumbeng nga agtitinnulong iti tunggal miembro iti komunidad iti panangpadakkel ken panangtarabay ti maysa nga ubing.
Kinunana a posible nga agtaud iti kinaranggas nga ugali iti parikot iti uneg iti pagtaengan wenno madi a maim-imatangan dagiti ubbing iti aglawlaw-da.
-- ADVERTISEMENT --
Impaganetget ni Dumlao a kasapulan dagiti addang tapno maikkan ti husto a tarabay dagiti agtutubo babaen ti tulong ti pamilia ken komunidad.
