Impaganetget ni Department of Social Welfare and Development (DSWD) Secretary Rex Gatchalian nga ilegal ti repacking iti family food packs.
Segun ken ni Gatchalin, illegal ken maysa a criminal act ti panag-repack kadagiti relief goods kasaruno dagiti pakaaamo nga adda mapapasamak a repacking kadagiti family food packs.
Kinunana a saanda pulos nga ipalubos iti repacking isu nga imbilinna ti pannakabukel ti committee a mangisayangkat iti internal investigation inaig kadagiti insidente ti repacking.
Ti linaon ti maysa a karton a family food packs ket innem a kilo iti bagas, uppat a piraso iti canned tuna, dua a lata iti sardinas, uppat a lata ti corned beef, lima a sachet iti 3-in-1 coffee ken lima a sachet iti cereal drink.
Iti salinong ti Republic Act No. 10121 wenno Philippine Disaster Risk Reduction and Management Act of 2010, Section 19 ket nakalanad iti probisyon dagiti maiparit ken dusa kas maibasar ti Section 20 iti nasao a linteg.
