--Ads--
Agsapsapul iti nayon a volunteers ti National Resource and Logistics Management Bureau ti Department of Social Welfare and Development.
Segun iti DSWD, agtultuloy ti repacking kadagiti Family Food Packs iti National Resource Operations Center Warehouse kas panagsagana iti ania man a didigra a sumangbay iti pagilian.
Dagiti volunteer ket maideploy idiay NROC-Pasay City ket isuda ti tumulong iti panagaramid wenno panagi-repack kadagiti family food pack tapno mai-stock kadagiti nadumaduma a warehouse iti intero a pagilian.
Alas otso iti agsapa agingga alas otso iti rabii manipud Lunes agingga Biernes ti oras dagiti volunteer wenno ala una agingga alas singko iti malem ken alas singko agingga alas otso iti rabii.
-- ADVERTISEMENT --
