DSWD: 1,008 a barangay, apektado iti bagyo Basyang

Umaboten iti 1,008 a barangay ti apektado iti bagyo Basyang, segun iti Department of Social Welfare and Development.

Maibasar iti naudi a report ti DSWD – Disaster Response Management, 210,106 a pamilia a katukad iti 738,576 nga indibidual ti naapektaran manipud kadagiti naapektaran a barangay iti nadumaduma a rehion iti pagilian a pakaibilangan ti Caraga, Western ken Central Visayas.

11,071 a pamilia wenno 43,550 nga indibidual ti agtaltalinaed kadagiti evacuation center.

2,748 met a pamilia wenno 9,529 a tattao ti kimmamang kadagiti kabagyan wenno gayyemda.