VIGAN CITY – Sapsapulen dagiti pannakabagi ti linteg ti maysa kadagiti agkabsat a suspek iti pammaltog idiay Barangay Nanerman, Sto. Domingo idi alas nuwebe kwarenta idi rabii.
Nabigbig ti biktima a ni Joel Tagudar nga agtawen ti uppat a pulo, naasawaan ken agnaed iti nasao a lugar a maysa a drug surrenderee.
Maibasar iti inisyal nga imbestigasyon ti Sto. Domingo municipal police station, magmagna ti biktima iti kalsada idiay Barangay Nanerman nga agpa-abagatan idi pinaltugan dagiti suspek a da Roland kenni Jhon Jhon Tabuso a nagsagabaan na iti tama iti paltog iti naduma-duma a paset ti bagi na.
Nairupaan ti biktima dagiti suspek isu a naibaga na dagiti nagan da idi adda nagresponde a kameng ti linteg iti napasamak.
Ti agdama, nakaibalud ni Roland ta nakemmeg babaen iti naiwayat a hot pursuit operation.
