VIGAN CITY- Agtutuon a kaso ti sanguen ni Michael Arrieta Deus, agtawen ti uppat a pulo, a taga Baliw, San Juan a nakemmeg iti buy-bust operation idiay Brgy. Labnig, San Juan , alas nuebe kwarenta’y singko ti bigat idi kalman ta naalaan ti maysa a magnum caliber 22 nga adda ti lima a bala na , granada ken sangaribo a pisos a marked money.
Segun kenni PS/Insp. Jade Macaraeg, hepe ti San Juan Municipal Police Station, maisagsaganan ti kaso a panaglabsing iti Comelec gun ban, panaglabsing iti Republic act 10591 wenno iligal a panagikot ken panaglako ti armas ken Republic Act 9516 wenno panagikot ti eksplosibo kontra iti suspek.
Pinatalgedan ni Macaraeg a ni Deus ket maysa a drug surenderer idiay ili ti Sinait ken nabayagan da a sinipsiputan gapu iti panagilako na ti caliber 22 a paltog sakbay da nga insayangkat ti operasyon.
