--Ads--
Saan a bumaba iti sangapulo ket innem nga indibidwal ti natay ken 130 ti nadunor, pakairamanan ti 23 nga ubbing kalpasan a tamaan ti Russian drones iti maysa a shopping mall idiay Kryvyi Rih, central Ukraine.
Segun ken ni Oleksandr Hanzha, Dnipropetrovsk regional military administration, karaman kadagiti natay dagiti biktima ti panagatake iti shopping center, a sinaronoan ti maipagarup a maysa pay a drone strike bayat a maisaysayangkat ti rescue operations.
Inawagan ni Ukrainian President Volodymyr Zelensky a “terrorist acts” ti panagatake ken pinasingkedan na nga agibales ti Ukraine iti insidente.
Segun iti Ukrainian Air Force, 107 iti 135 drone nga inrusat ti Russia iti agpatang ti na-intercept wenno nalapdan-da.
-- ADVERTISEMENT --
