Saan a bumaba iti 15 nga indibidual ti natay ken nasurok 40 ti nadunor iti Russian missile ken drone attack idiay Kyiv, Ukraine.
Segun ken ni Ukrainian President Volodymyr Zelenskyy, nagaramat ti Russia iti ballistic missile, cruise missiles ken drones a timmama kadagiti sumagmamano a lugar, agraman dagiti residential building, pagadalan ken maysa a children’s hospital.
Pinasingkedan ti Ukrainian Air Force a 168 a drones ken 46 a cruise wenno air-to-ground missiles ti naipabanto malaksid ti saan pay a nabigbig a bilang ti ballistic missiles.
Nagpanawagan ni Zelensky kadagiti international partners a nayunan ti suplay ti Patriot missile interceptors, idinto nga agtultuloy a bukbuklen ti Ukraine ti bukodda a FREYJA ballistic missile intercepto a manamnama nga agbalin nga operational inton 2027.
