Reckless imprudence resulting in double homicide and damage to property iti sangwen a kaso ti nagmaneho ti NMAX motorcycle kalpasan iti aksidente a pannakadungparna kadagiti natay a nagkalubbong iti Honda Click motorcycle iti national highway idiay Barangat Sagat, Sta. Cruz.
Ti nagmaneho ti Yamaha NMAX a motorsiklo ket agtawen iti tallopulo ket uppat, taga-Lagayan, Abra.
Dagiti natay a nagkalugan iti Honda Click ket agtawen iti duapulo ket walo ken kinalubbonna nga agtawen iti duapulo ket walo nga agpada a taga-ili ti Sta. Lucia.
Iti pannaki-uman ti Bombo Radyo Vigan ken ni PLt. Ivyn Kyle Delorino manipod Sta. Cruz Municipal Police Station, inawat ti driver ti NMAX iti dusa kenkuana ngem adda nailatang a pyansana a P36,000.
Maipalagip a bayat iti panagdalyasat dagiti nakalugan iti Honda Click iti nasao a kalsada ket idi pinanggepda iti agsikko, isu metten iti aksidente a pannakadungpar kadakuada ti naka-NMAX a gappuanan iti agpada a panagsagaba iti dunor ti ulo dagiti nagkalubbong idinto a naibansag ti driver ti NMAX ngem nadunor laeng bassit ti imana.
Immunan a naipaagas iti ospital dagiti tallo para ti pannakatamingda ngem saan a nakalasat dagiti dua a nagkalugan iti motorsiklo.
VIDEO – PLT. IVYN KYLE DELORINO
