Nadunor ti nagmaneho iti motorsiklo kalpasan a nadungpar iti maysa nga MPV idiay Gen. Luna Street, Barangay III, Vigan City, Ilocos Sur idi kalman, APril 21, 2026.
Ti nagmaneho ti Hyundai Starex ket agtawen iti duapulo ket pito, records officer iti NSCC, holder iti non-professional driver’s license nga agnaed idiay Barangay San Ramon, Magsingal.
Ti met nagmaneho iti Honda PCX motorcycle ket agtawen iti tallopulo ket siam, photographer, holder iti non-professional driver’s license nga agnaed idiay Barangay Pantay Fatima, Vigan City.
Sakbay iti aksidente ket nagsardeng ti MPV iti southern portion iti nasao nga street ken pumanaw koman idi akisidente a naidungpar iti nakamotorsiklo nga agpapadaya a direksion.
Gapu dayta, nagsagaba ti driver iti motorsiklo iti minor injury iti akin-kannawan a sakana idinto a ti driver iti MPV ket saan a naan-ano.
