Naskenen nga agaramat dagiti drayber ken operator iti e-wallet para iti naal-alisto ken nakomkomportable a panagawat iti cash assistance.
Para met kadagiti awan ti e-wallet-na, mabalinda a mapan kadagiti distribution venue nga intuding dagiti Local Government Unit ken Department of Social Welfare and Development.
Segun ken ni Land Transportation and Regulatory Board Chairperson Vigor Mendoza II, makaliklik iti atiddog a pila dagiti benepisyaryo no e-wallet ti maaramat.
Binilin ni Mendoza dagiti regional director a paalistwen ti updating ken submission ti e-wallet data para iti naal-alisto a fuel subsidy distribution kadagiti drayber, kas maisurot iti pammilin ni Presidente Ferdinand Marcos Jr.
Agsagsaganan ti ahensia para iti pannakaipatungpal ti Fuel Subsidy Program, ken makibimbinnuligda kdagiti electronic money issuer para iti natalged ken naurnos a payout.
