Nadunor ti driver ti motorsiklo kalpasan a natukbobna ti kotse iti sangwananna iti national highway idiay Barangay Catayagan, Sta. Lucia, Ilocos Sur idi rabii, April 5, 2026.
Ti nagmaneho iti Toyota Vios ket lalaki nga agtawen iti uppat a pulo, naasawaan, negosyante nga agnaed idiay Barangay Sidaoen, Sta. Cruz.
Ti drayber met iti black MotorStar 155 motorcycle ket lalaki nga agtawen iti duapulo ket dua, baro, construction worker, awanan iti driver’s license nga agnaed idiay Barangay Damacuag, Sta. Lucia.
Maibasar iti CCTV footage, agturong iti amianan a direksyon ti kotse idin nagsignal nga agturong iti kannigid a paset ti kalsada isu a nagin-innayad ken nagturong iti southbound lane tapno agturong iti gas station ngem napaay a nagsardeng ti nakamotorsiklo a napaspas iti patarayna manipod iti likod isu a natukbobna iti kotse.
Gapu ti impact ket nadunor ti driver ti motorsiklo isu a naipaagas iti Ilocos Sur District Hospital-Sta. Lucia idinto a saan a naan-ano ti driver ti kotse.
