Natay ti maysa a drayber ti motorsiklo gapu iti pannaka-aksidentena iti Urdas Bridge ti provincial road idiay Barangay Bantaoay, San Vicente, Ilocos Sur.
Nabigbig ti drayber a ni John Carlo Pico Refuerzo, agtawen iti duapulo ket dua, provincial capitol employee, taga-Sitio Pinto, Barangay Tay-ac, Bantay, Ilocos Sur, minanehona ti Yamaha NMAX a motorsiklo.
Iti pannaki-uman ti Bombo Radyo Vigan ken ni Police Captain Pedro Halover manipud San Vicente Police Station, agpapa-amianan ti motorsiklo ket idi nagtengna ti nakapasamakan ti insidente, kangrunaan iti kurbada a paset ti kalsada, naawanan ti drayber iti kontrol ti manibelana isu a naidungpar iti metal railings ket naitinnag pay iti sakaanan iti rangtay.
Gapu dayta, nadunor ti nadumaduma a paset ti bagina kangrunaan iti ulo ken durina a naipaagas iti ospital ngem dead on arrival.
