--Ads--
Nadunor ti drayber ti motorsiklo ken ti nadnungparna a senior citizen iti national highway idiay Barangay Maynganay Sur, Sta. Maria, Ilocos Sur.
Nabigbig ti drayber a ni Jasper Baldevina, agtawen iti duapulo ket dua, Barangay Tanod, awan helmetna, taga-Barangay Poblacion Sur, Sta. Maria, minanehona ti Yamaha Mio 125 a motorsiklo.
Ti met pedestrian ket ni Juanito Atendido Dasugo, agtawen iti innem a pulo ket tallo, karpentero, taga-Barangay Tinaan, Sta. Maria.
Agpapa-amianan ti motorsiklo ket idi nadanonna ti nakapasamakan ti insidente, saanna a nadlaw ti senior citizen a nagballasiw iti kalsada ket nadungpar.
-- ADVERTISEMENT --
Naipaagas iti ospital dagiti dua para iti naan-anay a pannakatamingda ket naduktalan nga agpadada a nakainom.
