--Ads--
Nadunor ti drayber ti dumptruck gapu iti panagbaliktad ti lugan idiay Banaoang Bridge, Santa, Ilocos Sur a nangitunda pay iti traffic.
Nabigbig ti drayber ti Isuzu dumptruck a ni Jayson Crisostomo, agtawen iti tallopulo ket siam, taga-Quinarayan, Narvacan.
Iti pannaki-uman ti Bombo Radyo Vigan ken ni Police Captain Rovic Nelmida, officer-in-charge manipud Santa Municipal Police Station, nagpalya ti preno ti trak isu a naidungpar iti daya a paset a railing ti rangtay.
Dagus met a naipaigid ti truck tapno makalasat dagiti dadduma a lugan iti nasao a rangtay.
-- ADVERTISEMENT --
Ti trak ket nagkarga iti darat a maideliver koma idiay Sto. Domingo idi mapasamak ti aksidente.
Naipaagas met ti drayber iti ospital para iti naan-anay a pannakatamingna.
