Maysa a drayber ti pickup ken dagiti pasaherona ti nadunnor gapu ti panagdinnungpar ti luganda ken iti wing van truck idiay Barangay Banaoang, Bantay, Ilocos Sur.
Ti nagmaneho iti Isuzu Giga Aluminum Wing Van Truck ket maysa a lalaki nga agtawen iti uppa a pulo ket maysa, taga-Barangay San Marcelino, Dingras, Ilocos Norte.
Ti met Mitsubishi Strada Triton Pick-up ket minaneho ti maysa a babai nga agtawen iti uppat a pulo ket uppat, taga-28 Lakandula St, Pillar Villages, San Fernando, Pampanga.
Maibasar iti CCTV footage, agpapa-amianan ti wing van idinto a ti pick up ket adda iti bangir a linya.
Idi makadanonda iti nakapasamakan ti aksidente, immagaw ti linya ti pickup isu a nagdinnungparda iti trak.
Gapu dayta, nadunor ti drayber ken dagiti pasaherona ket naipaagasda met iti ospital para iti pannakatamingda.
Saan met a naan-ano ti naglugan iti trak.
