Naalaan iti paltog ti maysa a drayber ti motorsiklo a karaman iti aksidente iti national road ti Barangay Callaguip, Caoayan, Ilocos Sur.
Dagiti lugan a karaman ket ti Suzuki Raider a minaneho ti taga-Fuerte, Caoayan idinto a ti met Mio Sporty ket minaneho ti taga-Don Alejandro Quirolgico, Caoayan.
Agpapa-abagatan ti Raider idin ta adda iti bangir a linya ti Mio.
Idi madanonda ti nakapasamakan ti aksidente, nag-overtake ti Raider iti sarsarunwenna a lugan ket nagdinnungparda iti sumungad a Mio.
Gapu dayta, nadunor ti kannigid a saka ken tumeng ti drayber ti Raider idinto a natukkol met ti kannigid a tumeng, pungwa-pungwann ken nadunor ti ulo ti nagmaneho ti Mio.
Agpada nga awan ti helmet dagiti drayber idi mapasamak ti aksidente.
Kabayatanna, ti drayber ti Mio a nakainom idi napasamak ti aksidente ket naalaan iti caliber 22 a paltog nga adda uppat a balana.
