Pormalen a nagsapata kas Department of Health Secretary ni Dr. Jose Pujalte Jr. iti sangwanan ni Pres. Ferdinand Marcos Jr.
Sinukatan ni Pujalte ni dati a Health Secretary Ted Herbosa a nagikkat iti serbisio gapu iti isyu iti salun-at.
Ni Pujalte ket adda iti DOH manipod 1991 ken naleppas iti orthopedic residency-na iti Philippine Orthopedic Center idi 1994.
Nagturpos ni Pujalte iti kurso a medisina iti University of the Philippines College of Medicine ken nagun-odna ti Master’s Degree iti Hospital Administration manipod Ateneo Graduate School of Business.
Idi 2008, nabigbig kas Career Executive Service Eligible, maysa a pammaneknek iti kabaelanna ken kinasaganana iti biang iti panagagas ken public administration.
Nagserbi pay isuna a mangisursuro iti University of the Phlippines-Manila, FEU Nicanor Reyes Medical Foundation ken San Beda College of Medicine.
