Dinutokan ni Pres. Ferdinand Marcos Jr. ni Dr. Jose Brittanio Pujalte Jr. kas baro a Department of Health secretary.
Sukatan ni Pujalte ni Health Secretary Ted Herbosa a nangipila ti courtesy resignation gapu iti salun-atna.
Segun ken ni Palace Press Officer Claire Castro, nangipila ti courtesy resignation ni Herbosa ta kayatna a matutokan ti kasasaadna.
Sakbay iti pannakadutokna kas DOH secretary, nagserbi ni Pujalte kas medical center chief iti Philippine Orthopedic Center manipod 2014.
Nagbalin pay a paset ti DOH ni Pujalte Jr., idi 1991 ken naleppas ti orthopedic residency-na iti Philippine Orthopedic Center idi 1994.
Nagturpos iti kurso a medisina iti University of the Philippines College of Medicine ken nagun-odna ti master’s degree iti hospital administration manipod Ateneo de Manila Graduate School of Business.
