Binisita ni Transportation Secretary Vince Dizon dagiti nakaimasayag a walo a biktima iti karambola iti Subic-Clark-Tarlac Expressway a nakatayan iti sangapulo a tattao pakairamanan dagiti uppat nga ubbing ken nakadunoran iti nasurok tallopulo a dadduma pay.
Segun ti Department of Transportation (DOTr), siguradoen ti ahensya iti panangipatangkenda nga iyetnag ti hustisya para kadagiti biktima.
Nupay kasta ket negatibo iti illegal a droga ti bus driver iti Solid North a karaman iti incident kas kinuna ti Tarlac City Police.
Naidalan iti nainget nga inspeksyo ti roadworthiness iti amin a 273 bus iti Solid North idinto nga amin a driver iti kompania ket obligado a dumalan iti drug test.
Karaman nga ad-adalen ti DOTr iti panang-regulate iti maximum time iti biahe dagiti bus driver tapno maliklikan ti bannog ken disgrasya iti kalsada.
