--Ads--
Kayat ni Department of Transportation Secretary Bince Dizon a ti gobierno ti agtignay tapno makasoan ti konduktor ti bus a nangdangran iti maysa a person with disabilities.
Segun ken ni Dizon, bilinenna ti Land Transportation Franchising and Regulatory Board tapno mangipila iti kaso a kriminal iti Department of Justice.
Saannan nga urayen a ti biktima pay laeng ti agipila iti kaso nangruna ta rumrumuar a ti konduktor ti nagaramat iti taser tapno makoriente ti pasahero.
Pinasingkedan met ni LTFRB Chairman Teofilo Guadiz III, napatulodanen idi Biernes iti show cause order ti operator ti Precious Grace Bus Corporation tapno pagpalawagen iti nagbalin a tignay ti konduktorda.
-- ADVERTISEMENT --
