Pinalubosan ti Department of Tourism (DOT) dagiti sangapulo ket lima a senior citizen kas tour guides ti historic Intramuros district iti salinong ti Tourism Legacy and Livelihood Program.
Segun ti DOT, ti programa ket maipatpatungpal iti pannakikammayet iti National Commission of Senior Citizens (NCSC) kas paset ti inclusive, elderly-friendly tourism efforts.
Ti programa ket mangpalubos kadagiti Filipino elderly a makipaset iti community-based tourism kalpasan a makumpletoda iti interviews ken makalawas a panagsanay iti lectures ken mock tours.
Ti batch a sangapulo ket lima a senior citizens nga inaprubaran iti DOT ket dimmalan iti pito nga aldaw a community tour guiding seminar a naisayangkat idi September 2025 iti pannakikammayet iti Intramuros Administration (IA).
