Suroten ti Department of Labor and Employment ti sangapulo nga aldaw a pannakaiparit ti amin a kita ti tulong nga impatungpal ti Commission on Elections sakbay ti 2025 midterm elections, kas pinasingkedan ni Labor Secretary Bienvenido Laguesma.
Nangilatang ti DOLE iti P2.2 bilion para iti Tulong Panghanapbuhay sa Ating Disadvantaged /Displaced Workers (TUPAD) Program a paset iti P2.57 bilion a pondo a naited para iti DOLE Integrated Livelihood and Emergeny Employment Program (DILEEP) a buklen iti TUPAD ken DOLE Integrated Livelihood Program (DILP).
Immunan a pinalagipan ni Comelec Chairman George Garcia ti publiko mainaig iti ayuda ban manipud Mayo 2 agingga Mayo 12 wenno sangapulo nga aldaw sakbay ti midterm elections.
Karaman kadagiti ayuda ti Assistance to individuals in Crisis Situations (AICS), TUPAD, 4Ps ken ti kontrobersyal nga Ayuda para iti Kapos ang Kita Program (AKAP).
Innayon ni Laguesma a sumurot ti DOLE iti ayuda ban ngem agtuloyda a mangipaay iti social services agraman kadagiti apektado iti pimmutok a bulkan.
