Pinasingkedan ti Department of Labor and Employment (DOLE) a “no work, no pay” policy ita nga aldaw, November 1, a maysa nga annual special non-working day.
Segun ti DOLE, amin a mangamangged a saan a mapan agtrabaho ket saan a makaawat iti sueldo ita nga aldaw, malaksid laeng nu adda favorable company policy, practice wenno collective bargaining agreement (CBA) a mangipaay iti bayad ti special day.
Dagiti empleado nga agtrabaho ita nga aldaw ket maipaayan iti 30 percent iti inaldaw a bayadda.
Kinuna ti DOLE a nu agtrabaho iti special day ket rumbeng a mabayadan ti empleado ti nayon a tallopulo a porsiento iti basic wage iti umuna a walo nga oras iti trabaho wenno basic wage x 130 percent.
Kadagiti met aglabes iti walo nga oras ket mabayadan ti empleado iti nayon a 30 percent iti hourly rate-da iti nasao nga aldaw.
No ti empleado ket mapan agtrabaho a nairana iti rest day-na ket masapul a bayadan ti kompania iti nayon a 50% iti basic wage para iti walo nga oras iti trabaho.
Ket nu agtrabaho kalpasan iti walo nga oras bayat ti speacial day ken mairana iti rest day ket masapul a bayadan ti employer ti empleado iti nayon a tallopulo a porsiento iti hourly rate-da.
Ilagip dagiti Pilipino dagiti pimmusayen nga ay-ayatenda iti biag babaen iti papanda kadagiti kamposanto ken columbaria ita nga aldaw ken inton bigat, November 2.
