Nagpalagip ti Department of Labor and Employment (DOLE) kadagiti employer a suroten ti husto a pasueldo kadagiti empleado a sumrek ita a Nobiembre 2 wenno All Souls’ Day, a naideklara nga special non-working day.
Maibasar iti DOLE Labor Advisory No. 18, maipatungpal ti “no work, no pay” policy kadagiti empleado a saan a sumrek, malaksid no adda agpampannuray a paborable a patakaran ti kompania.
Dagiti sumrek ket adda nayon a 30 percent iti inaldaw a sueldoda iti umuna a walo nga oras, idinto a nayon a 30 percent met para iti hourly rate para iti overtime.
Para kadagiti empleado a sumrek iti aldaw ti panaginanada, adda nayon a 50 a porsiento iti inaldaw a sueldoda iti umuna a walo nga oras, ken nayon a 30 percent iti hourly rate para iti overtime.
