--Ads--
Nagballaag ti Department of Labor and Employment (DOLE) kadagiti employer a siguradoen ti husto a sueldo kadagiti mangmangged a naka-duty ita a Bonifacio Day.
Iti Labor Advisory No. 13, kinarit ti DOLE dagiti kompania a sumurot iti naikeddeng a patakaran tapno mapagtalinaed ti nalinteg a labor practices ken masalwadan ti karbengan dagiti mangmangged iti panagrambak ti regular holiday.
No saan a sumrek ti maysa nga empleado ita a holiday, ket nasken latta a maipaayanda iti 100 percent a sweldo.
Kadagiti met agtrabaho iti Bonifacio Day, nasken a maipaayanda iti 200 percent a sweldo iti umuna a walo nga oras ken adda nayon a 30 percent no aglabes iti walo nga oras.
-- ADVERTISEMENT --
