Inruar ti Department of Labor and Employment ti pay rules para iti Christmas Day ken dadduma pay a holiday ita a bulan.
Segun ti DOLE, ti Christmas ken New Year’s Eve wenno December 24 ken December 31 ket special non-working days, ket masapul a masurot ti pagannurotan.
Kinuna ti DOLE a maaramid ti “no work, no pay” principle nu saan a sumrek ti empleado malaksid laeng no adda iti favorable company policy, practice wenno collective bargaining agreement.
Kadagiti agtrabaho bayat ti special day, ti employer ket masapul a bayadanna ti empleado iti nayon a 30% iti basic wage-da iti umuna a walo nga oras iti trabaho.
Kadagiti agtrabho a nagsurok iti walo nga oras ket masapul a mabayadan ti empleado iti nayon a 30 percent iti hourly rate-na iti nasao nga aldaw.
No nagtrabaho ti empleado a nairana a rest-day na klet masapul a manayunan iti 50% iti basic wage iti umuna a walo nga oras iti panagtrabahona; ket no ag-overtime iti nasao nga aldaw ket manayunan ti 30% iti hourly rate-na.
Kabayatanna, ti December 25 nga aldaw iti paskua ken December 30 a Rizal Day ket maibilang a holiday.
No kas bilang saan a napan nagtrabaho ti empleado ket bayadan latta ti employer a 100% no laketdi nakapila ti leave of absence-na nga adda iti bayadna.
Kadagiti nagtrabaho nga empleado bayat ti regular holiday ket rumbeng a mabayadan a 200 percent manipod sueldoda para iti umuna a walo nga oras ket no ag-overtime, masapul a mabayadan ti nayon a 30% iti hourly rate-na.
No kas bilang mapan agtrabaho a regular holiday a nairana a rest day ket masapul a manayunan ti 30% iti basic wage iti 200%, ken no nag-overtime ket manayunan iti 30% iti hourly rate.
