Inallukoy ti Department of Labor and Employment dagiti employer a palubosan dagiti empleadoda nga agleave wenno maaddaan iti flexible work arrangements tapno makadua dagiti annakda nga agpabakuna kontra iti measles ken rubella.
Daytoy ket kas suporta iti immunization campaign ti Department of Health iti salinong ti Measles-Rubella and Supplemental Immunization Activity (MR-SIA).
Iti salinong ti Labor Advisory No 02, Series of 2026, mabalin nga agabsent dagiti nagannak wenno guardian ken agaramat iti leave credits, no la ket maipakitada ti pudno a panagbakuna.
Sakupna daytoy dagiti amin a pribado nga establisimiento, ken maal-allukoy dagiti kompania a tumulong iti panangipablaak iti husto nga impormasion ken mangisayangkat iti bukodda a vaccination activities no kasapulan.
