Maladingitan ni Department of Labor and Employment Secretary Francis Tolentino iti panangiruar ti temporary restraining order a nang-suspenso ti panangipatungpal ti nayon nga P85 a sweldo iti National Capital Region.
Segun ken ni Tolentino, nasakit man para kadakuada dagiti mangmangged ngem sumurot da iti bilin ti korte, ken no aniaman ti nagbalin a basaran ti panagirruar ti TRO, masapul da nga ilawlawag.
Maipalagip a ti TRO ket in-isyu ti Pasig Regional Trial Court Branch kalpasan a nangipila ti petision ti dua a construction firm a Readycon Trading and Construction Corp. ken R-II Builders Inc. tapno ipasardeng ti implementasion ti Wage Order No. 27.
Iti salinong ti wage order, immuna a naipatungpal idi Hulyo 25 ti P60 iti nayon a nga inaldaw a minimum wage, kabayatan a nakatuding met ti panangipatungpal ti nabatbati a P25 inton Enero 20, 2027.
