Inlawlawag ni Justice Secretary Jesus Crispin Remulla a saan pay a nakaawat ti Pilipinas iti pormal a kiddaw manipud Indonesia mainaig iti “palit-ulo” wenno prisoner swap para iti panagsubli ditoy Pilipinas ti naikkat a Bamban, Tarlac Mayor Alice Guo.
Daytoy ti kinuna ni Remulla iti budget hearing ti Kamara ita ta nagsubli ni Guo ditoy Pilipinas.
Immunan a rimmuar ti damag a kayat dagiti Indonesian authorities nga umuna a maisuko ti drug lord a ni Gregor Haas a nakemmeg idiay Cebu, kasukat ni Guo.
Iti budget hearing, inlawlawag ni Remulla a saan a basta-basta ti pannakaaramid ti prisoner swap.
Segun ken ni Remulla, daytoy a proseso ket idauluan ti Department of Foreign Affairs (DFA) ken kasapulan ti pammalubos ti legal system ti Indonesia ken iti biang ti Pilipinas, ken masapulnga addaan daytoy iti pammalubos ti presidente ken ti Kongreso.
