--Ads--
Pagan-annaden ti Department of Health ti publiko kontra iti epekto ti napeggad a lebel ti heat index iti pagilian.
Pinasingkedan ti DOH a 13 a lugar iti pagilian ti manamnama a makapadas iti Danger Level a heat index ita nga aldaw.
Segun iti nasao nga ahensia, napateg a mabantayan ti heat index gapu ta no ngumatngato ket dakdakkel met ti tsansa a napeggad kadagiti sakit kas ti heat cramps, heat exhaustion, ken posible a heat stroke no agtultuloy nga agkainaran.
Inallukoy ti ahensia ti publiko nga uminom iti 8 agingga 10 a baso ti danum iti inaldaw, mangan kadagiti prutas ken nateng a nangato ti water content-na kas ti pakwan, pinya, ken papaya kasta payen iti panangliklik nga uminom iti kape, tsaa, softdrinks, ken arak.
-- ADVERTISEMENT --
