Nagpanawagan ti Department of Health (DOH) kadagiti deboto nga adda sintomas ti trangkaso kas iti uyek ken panateng a saan pay laeng a dumar-ay dagiti aktibidad ti Nazareno 2026 tapno maliklikan iti panagwaras ti sakit.
Segun ken ni DOH Asec Gloria Balboa, no man pay awan pay iti panagpangato ti bilang ti kaso iti trangkaso ket nasaysayaat nga agtalinaed laengen iti pagtaengan dagiti adda marikriknana a sintomas nangruna ket manamnama nga agseseksek dagiti dumar-ay.
Inlawlawag ni Balboa a nadaras nga agwaras dagiti sakit nga airborne wenno droplet-borne iti dadakkel a gathering.
Napalagipan pay dagiti ipilida a dumar-ay nga agsuot laengen iti face mask.
Pinalagipan met ni Rev. Fr. Robert Arellano iti Quaipo Church a no adda sakit dagiti dumar-ay a deboto ket liklikan nga agepen ti imahe wenno nasaysayaat a saan pay laeng a dumar-ay iti pahalik.
Kabayatanna, pinalagipan ni Nazareno 2026 Technical Director Alex Irasga dagiti nagannak a saan a bay-an nga umili dagiti ubbing ken agtutubo iti andas.
Segun ken ni Irasga, ti pudno a deboto ket nalaing a sumurot kadagiti pagannurotan nga ipatpatungpal ti simbaan ken iti gobierno para iti kinatalged iti amin.
