--Ads--
Nagpalagip ti Department of Health iti publiko kontra iti kontaminasyon nga itunda ti nakaro a layus kadagiti naapektaran iti bagyo Crising ken habagat.
Segun iti DOH, nasken a pagtalinaeden a natalgde ti danum nga ipauneg nangruna ita a panagtutudo ta posible a makontamina dagiti danum a mainom manipud kadagiti nadadael a water ken sewage pipes a nalayus.
Masapul a masigurado a natalged ti danum nga ipauneg iti pagtaengan wenno kadagiti evacuation areas tapno maliklikan ti sakit a cholera, diarrhea ken leptospirosis.
Nakasagana dagiti chlorine tablets kas maysa kadagiti emergency commodities ti DOH para iti nadalus nga inumen dagiti nagbakwit kadagiti lugar a nalayus.
-- ADVERTISEMENT --
