Nagballaag ti Department of Health (DOH) a ti leptospirosis-causing bacteria ket mabalin a sumrek iti micro-abrasions kadagiti kudil.
Segun ken ni DOH Spokesperson Albert Domingo, ti leptospirosis ket maysa iti weather-induced diseases a bambantayan iti ahensya ita a panagtutudo kadua ti influenza-like illnesses, dengue ken waterborne diseases.
Ti dadduma pay nga entry points ti bacteria a mangitunda ti leptospirosis ket iti mata ken bibig.
Impaganetget ti DOH a rumbeng a kanayon nga agbuggo iti bagi babaen ti sabon ken danum nu ma-expose iti layos ken insigida nga agpakita iti doktor tapno makita iti kasasaad.
Nagballaag ti DOH kontra iti posible a panagado iti kaso ti dengue, leptospirosis, ken waterborne disease iti agtultuloy a panagtudo ken panaglayos iti adu a paset iti pagilian.
