Nagballaag ni Health Secretary Ted Herbosa a napegpeggad ti panag-vape ngem iti panagsigarilyo iti traditional cigarettes kagiddan ti immadu nga agtutubo a Pilipino iti maad-adik iti high-nicotine vape products iti salinong ti pammatida a nataltalged iti nasao a produkto.
Segun ken ni Secretary Herbosa, adda dagiti teenager nga agbalbalin a biktima gapu iti makapaallilaw a marketing a mang-promote ti panag-vape kas trendy ken harmless.
Impaganetgetna a saan a kas ti traditional tobacco, ti vape liquid ket addaan ti colorful package ken fruit flavor tapno maallukoy dagiti agtutubo.
Pakadanagan ni Herbosa nu kasano a maad-addaan ti access dagiti agtutubo iti vape products iti baet ti age restrictions a mangipasimudaag ti nakapoy nga enforcement ken panagraira iti illegal sales.
