Pinasingkedan ti Department of Finance (DOF) nga adda umanay a pondo iti gobierno para ti disaster response iti pagilian tapno masigurado ti immediate relief ken rehabilitation dagiti umili a naapektaran iti naglabas a ginggined ken bagyo.
Segun ken ni Finance Secretary Ralph Recto, napateg nga adda nakasagana a pondo iti gobierno para iti insigida a tignay kadagiti emergencies.
Kas national fundraiser ket siguradoen ti DOF nga adda umanay a pondo ken kabaelanda a tignayan ti kasapulan ti tunggal Pilipino iti panawen ti didigra.
Kinuna ti DOF a nangiruar ti national government iti P17.85 billion manipod P21 billion National Disaster Risk Reduction and Management Fund (NDRRMF) wenno Calamity Fund agingga November 9, 2025.
Suportaran ti NDRRMF iti disaster risk reduction, prevention, ken preparedness activities kasta payen ti immediate aid, relief ken rehabilitation services kalpasan iti didigra.
Innayon ti Finance Department a nangilasinen iti national government iti resources para ti Quick Response Fund (QRF) iti national budget a nailatang kadagiti key government agencies kas standby fund para ti rehabilitation ken recovery dagiti komunidad a naapektaran iti didigra ken dadduma pay a national emergencies.
Agingga November 10 ket nangiruaren ti national government iti P13.96 billion iti salinong ti QRF pakairamanan iti agtultuloy nga appropriations manipod 2024.
