Impaganetget ti Department of Finance (DOF) ken Bureau of Internal Revenue (BIR) nga addan iti maipatpatungpal a tax relief measures sakbay pay iti maika-lima nga State of the Nation Address (SONA) ni Pres. Ferdinand Marcos Jr.
Maipalagip a ti tax measures ket maysa kadagiti dakdakamaten ti presidente iti SONA-na, nga inawat met iti publiko.
Segun ti DOF ken BIR, maipatpatungpal ti sumagmamano a tax measures a mangmangted iti bang-ar kadagiti mangmangged, babassit a negosio ken dadduma pay a klase ti taxpayers.
Karaman dayta ti One-Time Tax Abatement Program for Micro Taxpayers a naipatungpal iti salinong ti Revenue Regulations (RR) No. 4-2026 manipod pay idi June 22, 2026.
Iti salinong dayta, mabalin a mairanud dagiti kualipikado a micro taxpayers iti panagikkat wenno panagkissay kadagiti saan pay a nabayadan nga obligasyon iti buwis ken penalties.
Sisasagana pay dagiti dua nga ahensia nga iduron iti agdama nga administrasyon ti tax relief para kadagiti middle class bayat a bumangbangon iti ekonomia.
