Nakabantay ti Department of Energy iti posible a hoarding ken profiteering iti panagilako kadagiti produkto petrolyo iti baet ti agsasaruno nga oil price hike.
Dayta ket kalpasan a nagipasa iti initial report ken sumagmamano nga ebidensia dagiti field office iti DOE ken Mindanao a mangipasimudaag iti posible nga iregularidad iti fuel supply ken retail practice.
Segun iti DOE, iberberipikan ti ahensia dagiti nasao a damag kas paset iti case build-up.
Nagkiddawen ti DOE iti tulong iti Department of the Interior and Local Government ken Philippine National Police tapno masigurado ti insigida a tignay kontra kadagiti mapaneknekan nga aglabsing iti linteg.
Inlawlawag ni DOE Secretary Sharon Garin, iti salinong ti Price Act ken Presidential Decree No 1865, iligal ken adda muelta ken pannakaibalud ti hoarding, overpricing, ken dadduma pay a manipulasion iti presio ken suplay ti langis.
